57 n yiseggasen γef umennuγ n Tenεimt

Partager

Imezdaγ n taddert At-Ferεac taγiwant n Wizgan, smektand amuli wis 57 γef umennuγ n tenεimt, id-yeḍran deg ass n 30 γuct 1957, mbaεd imi imjuhad xedmen yiwet n zeḍma γef lεeskkar n tmurt n Fransa, iyellan sufella n ikumya. Dayen id-yeglan s lmut n 17 n iεsekriwen n tmurt n fransa u ṭffend yiwen yedder. Ma yella deg yidis n yemjuhad ur d-tella ara lexṣara deg tarwiḥin. Tamesbanit-agi tamazrayt tella-d s laḥdur n yemḍebren n tγiwant n Wizgan, tawacult n yigrewliwen, ger-asen tudsa taγelnawt n yemjuhad d tdukla n warrawn yimaγrasen, iγallen laman d deqs n yimezdaγ n tudrin yemgaraden n temnaḍt n Wizgan. Ahil n leqdic d amarkanti, anda illant temzikniyin yemgaraden γef umezruy lqayen n tegrewla tazzayrit, isaragen d temliliyin tinigiyin γef umennuγ n tenεimt, d waṭas niḍen.  D tagnit yelhan anda i yerran tajmilt i yiwen umaγras n taddert-agi n At-Ferεac Boukella Djamel, i yeγlin deg ufus n rebrab deg seggasen n 90. Syen tameddit n wass yekfa leqdic s yiwet n tmeγra meqren, anda i rran tajmilt i yinelmaden n taddert-agi n At-Ferεac id-yufraren deg kayaden yemgaraden s tikci n warazen d igardasen n usebγes. Iswi n tmesbanit-agi d asnarni umezruy d uressax-ines deg allaγen n yelmeẓyen akken at-id-affent tsutiwin id-iteddun.  

Islam Bessaci

Partager