Ifuk lḥif n waman ɣef imezdaɣ n Tɣiwant n Tizi Γenif i d yezgan deg unẓul n lwilaya n Tizi Wezzu. Ayagi segmi teldi s wudem unsib la station monobloc, deg ubaraj uṭṭun w-5, i d-yezgan ɣef teɣzi n 2,5 km ɣef tlemmast n tɣiwant. Abaraj-a, i-d yessufuɣen 1200 m3 n waman i wass, d win ara yefken aman i snat n lxeznat n waman i yettawin lqidar n 1300 m3. Aman ad awḍan 51 teqrarin deg tɣiwant n Tizi Γennif. Ula d ifellaḥen ad sfaydin s waman n ubaraj-agi. Ayagi uqbel ma d-tettwacud tɣiwant-agi s ubaraj n Takudit Userdun i yellan deg lwilaya n Tubiret deg waggur n meɣres 2010, ɛlaḥsab yimeḍebber amewaru n tnemhalt n waman deg tɣiwant n Tizi Wezzu.
Dalila I.