Ass n arim iɛeddan, 20 deg unbir, kkren yijajiḥen n tmes deg yiwet n tnezduɣt deg tɣiwant n Bgayet, deg umḍiq iwumi ssawalen “Asɣar imqeddes”. Nezmer ad d-nini lemmer mačči d irgazen n usellek n Uḥuddu aɣarim (Protection Civile) n Bgayet, tili tuɣal lbaṭima ideg tella merra-s d iɣiɣden deg kra n temrac kan. Tendeh tmes-a tazwara deg yiwet n texxamt, syin tedreɛ ɣer snat n texxamin-nniḍen d tin n tarda. Dɣa, s 3 n yikumyan n undar i d-wwin, akamyun n sellum d 2 n tkerrusin n usaɛef, ssawḍen yirgazen n usellek ad ssensen s tazzla abelbul n tmes-nni i d-igan ayendin n txessarin deg dduzan, ɣef wakken i d-yenna wulɣu i aɣ-d-yewwḍen. Ugar n waya, yettunefk ufus n tallelt i 4 n yimdanen i yettwaḥuzan deg tnefsit seg wayen i d-yeḍran.
M. K.