Yeɛreq yixef-is(VII)

Bujema yezzuγer-it-id yuγal am win i d as-yeslufuyen) iyyaγ a Σmara

Dda weεli: (s uεellum) Ad aɣ-nɣen

Akli: Win yebɣan tilelli, tugdi ur d as-telli, Am wass-a, am yiḍelli

Bujemεa: (ad yeffeγ s deffir n Dda Weεli) Ih&hellip,; gar Yiḍelli iḍelli, wa yettṣubbu wa yettali, wa yumen wa yettγilli, d ttebga tezga d amili, ula yiwen wass ur aɣ-tezdi tikli, Yereq ur d iban yixef-is

(Akli am win i d-yettnadin ixef-is)

Akli: Ata yixef-is (Dda Weεli d Bujemεa ad d-zzin fell-as)

Dda weεli: Anida-t?

Bujemεa: Amek-it?

Akli: D azeggaɣ

Dda weεli: (s unaji) A Sidi Ɛebd Rraḥman qil-aɣ i wudem n llmal tagugamt,a sidi Ɛebd lqader lğilali ma wer d-ṭaleḍ i wudem n llufanat

Bujemεa: D times?

Dda weεli: D idammen?

Akli: ulac d acu i t-walaḍ a Dda Weεli?

Dda Weεli: Ur walaɣ ara

Akli: I ḥqa ttu&gamma,; kečč tesderɣel-ik tlelli, aṭas i Tettruḍ fell-as

Dda Weεli: Anef-as i tlelli ad tεelli, mi yellant tmital-ik ur d-telli, ur d-tettili

Bujemεa: Ahya a dda weεli, mačči ma wer Twalaḍ ara kan kečč, ad terreḍ kulci d arefruf. yal yiwen amek, wa yettwali, wa yessefray.wa…

Dda Weεli: Anef-as i usefru d usefru, init-iyi-d acu-t uzeggaɣ-a i twalam akka nekk ur t-walaɣ ara?

Akli: Ahat d lḥacya n tlelli i d-yewwi ubeḥri

Dda Weεli: Safi tilelli tessirid iceṭṭiḍen, Safi tilellitfesser iceṭṭiḍen!

Bujemεa: Ihi tilelli εeryan i tetteddu?

Dda Weεli: D temẓi i d-yettqirrin deg-k, tilelli ur tt-terri ara tmara i usired d wefsar iceṭṭiḍen

Bujemεa: Ihi d taselṭant

Dda Weεli: Mazal ad nečč aɣrum

Akli: Ahat mi d-teṭṭal di ṭṭaq twala-d wid i t-Ḥemmel (Akli i Bujemεa myegren irebbi) tdegger-d lḥaciya

Dda weεli: Ur yelli ṭṭaq ur telli teḍwiqt

Bujema: Ihi di lḥebs i tella

Dda Weεli: Tilelli attan anida ayen tebɣa ad tečč, ad tsew, ad tles… ayur, ayur wwin-as-t-id ɣer nnig uqerruy-is

Yettkemmil

Akli Tamazirt