Am wakken i yettuɛeggen, imuras n tegrest d tagnit i yiselmaden imunan, ama d wid i d-yufraren deg temsizzelt n yunyu yezrin neγ wid i d-yulin seg lejrida n leɛdil, i wakken ad ilin deg ttiɛad γer tannant n usileγ. Asiher-a, yella-d s lmendad n tenmehla n usegmi n Tubiret anda sin n yiγerbazen ilemmasen i d-yettwaheggan. Iselmaden n uγerbaz amezwaru ttilin deg Dubaysi, ma d wid n uswir alemmas d tesnawit, ttdafaren asileγ-nsen deg uγerbaz alemmas Hedduc Saɛid. Imi iḥricen n usileγ yerza aṭas n temsal, imḍebbren n tenmehla gren tiγri i yimaswaḍen n tangawin yemxallafen d kra n yiselmaden yettuxessen deg yiḥricen yecban tanefsit d usexdem n uselkim.Tannant-a i d-yernan d tis snat γef tin n γuct yezrin, mazal ad tkemmel deg yimuras n meγres i d-iteddun, anda iselmaden-a ad sɛeddin ikayaḍen deg yiḥricen γran i wakken ad fγen s yiwen n ukerdas ara ten-yessiwḍen ad ttnesben deg yimukan-nsen.
M. Smail