Mbaɛd anejmuɛ i d-yellan gar yinelmaden, iselmaden d imḍebbren n tebdelt n ugezdu n tutlayt d yidles amaziɣ n Tizi Uzzu , gezzmen-tt yinelmaden deg rray d akken ad kecmen deg usunded war tilas. Anect-a, yella-d mbaɛd liḥala ur ngerrez ara deg ugezdu. Yebda usunded ddurt iɛeddan, 28 deg yennayer 2018. Ɣef wakken i aɣ-d-nnan, ur iḥebbes ara usneded-a alamma fran yiɣeblan-nsen. Gra wayen ssuturen, ad naf: lemcawra ɣef leryul akk ara d-yeffɣen seg ugezdu, aqader n wakud n uxeddim deg wayen yeɛnan tabdelt n ugezdu, asekcem n tanga n tira deg yal aswir : imi inelmaden sɛan aɣbel meqqren di tira acku tingiwin i yellan deg ugezdu sexdamen deg-sent tutlayt n trumit, d ayen i d-ixelqen aɣbel meqqren di tira. Am wakken, diɣ, ṭṭalaben yinelmaden inejmuyaɛ gar-asen d yimḍebbren anda ara ilint teslaḍin ɣef wayen yeḍran. Ula d lexsas n yiselmaden, yedda-d gar wuguren i d-ttmagaren, imi aṭas n leɛḍil i yettilin deg temsirin. Ma yella seg tama n ttawilat, aṭas i ixus ugezdu-a, ɣef wakken i d-nnan yinelmaden, ladɣa lexsas n tzeɣwin, n tezdeg, n lḥamu, n lantirnat akked ubrid i imeɛḍar.
S.Yamani