Thegga-d tdukkla Asirem Guraya, deg tɣiwant n Msisna, yiwen n wahil s wazal-is, d wis 5 i t-yecban, i usḥesses ɣef temnaḍin tireḍbanin, i lmend n wass-nsent amaḍalan i d-yettuɣalen yal 2 furar. Di ttiɛad, yemgarad ayendin wahil i d-yersen i yimekkiyen n waṭas n tuddar. Imi dɣa, ugar n temsikkent tansayant i d-yettwafesren i tmuɣli, kraḍ n yimsizwar i d-yellan, rzan kraḍ n yiḥricen n medden. Amezwaru yeɛna kan arrac, i yumren ddeqs s umsizwer n usuneɣ i asen-yemmuggen. Wis sin yerza ahat s waṭas tiḥdayin, imi d amsizwer n wučči i d-iḍefren. Ma yella d wis kraḍ, yettwahegga-d kan i wid iḥemmlen tuṭṭfiwin s tsewwart akked uḥraz n uqbur. Skud amsizwer-a yessutur-d tawlaft akk taqdimt n tmellaḥt. Seld aya, ɛeddan merra yimeḥḍar i wuẓzi n ḥawla n yisekla deg yiwet n tegnit n unnecraḥ d tumert. Syin yemmug ureqqeɛ d useggem n tmellaḥt tadigant n Msisna, send ad yekker akk urbaɛ i umḍiq ansi ara tebdu tikli ɣef uḍar i tuffɣa i d-sihlen s adrar.
M. K.