I lmend n wass amaḍlan n yixeddamen, i d-yettilin yal aseggas deg umenzu n waggur n mayyu n yal aseggas, taseqqamut n taddart n Ighil Bouchene yetabaɛen ɣer tɣiwant n Ait Aissa Mimoun, ad d-theggi azekka n ttlata 1 deg maggu 2018, ass n useɛlem d usefqed n waṭas n waṭṭanen i helken yimezdaɣ n taddart-agi d tuddar i d as-d-izzin, yecban Tahanouts, Ait Khelfats, Tizi Tagma…atg. Annect-agi, ad d-yili s tilin n waṭas n yimejjayen d yimussnawen n tujya n tama-agi d wid ixeddmen deg ssbiṭer Nedir Mohamed n Tizi Uzzu. Ad d-yili wass-agi n useɛlem deg uɣerbaz amenzu Hachemi d warraw-is n taddart n Tahanouts, anida zemren yimezdaɣ n tama-agi ad fersen tagnit, i wakken ad asen-d fken yimejjayen-agi iwellihen ara ten-iɛwnen deg uḥraz n tezmert-nsen. Aṭas n yimejjayen i yetturaǧun ad ilin deg ttiɛad, yecban amejjay n tuɣmas, win n waṭṭan n sekker, win n yigerdan, win n waṭṭanen n tfekka, win n leɛqel…atg.
Adaoun Ghani