Wa yettwali-tt d tiselbi, wayev yenna-k d awal kan, ta teqqara-k d lekdeb, tahin tettwali-tt d targit… Lêasun walan-tt akka ney akka, ulac win teooa tayri d agugam. Ulac win ur tenbic ara. Wa tessawev-it ar lebyi n wul, wa mazal nnuba-s tvul. Wigi akk (d am$ar, d tamyart, d ileméi, d tileméit ) ldin-d ulawen-nnsen i Mhenna Boudinar,aneymas-nney
Dda Σmer ( 90 n yiseggasen )
“…d tiselbi!”
“Tayri, d awal ajdid ɣur-i, yennulfan-d kan deg yiseggasen-a ineggura; wama lǧil-inu nessen kan awal leḥmala. D acu kan d awal i d-nbedder deg umkan-is anda ilaq, ḥemmleɣ baba neɣ yemma, ḥemmleɣ aya d waya, meɛna ad d-yini walbaεḍ ḥemmleɣ taqcict neɣ tameṭṭut d tisselbi. Di lweqt-iw tayri iɣef d-ttmeslayeḍ welleh ma sneɣ-tt, ma d tura kulci εinani, tbeddel ddunit a mmi.
Ma d leḥmala d ayen igerrzen aṭas, d acu kan ilaq tayri iɣef d-tettmeslayeḍ d tin iɣef ttmeslayen akk ilmeẓyen n tura ur tettili ara kan gar teqcict d uqcic; ad tili leḥmala d tayri-ya, gar watmaten gar idartiwen, d acu ara d-iniɣ,; gar medden irkelli, d argaz d tameṭṭut d ameqqran neɣ d ameẓẓyan; rnu ad tili d tayri n yal ass, mačči d tin n yiwen wass.
Nna Tasaεdit d tamɣart n dda Ɛmer ( 82 n yiseggasen)
“D leêmala n trisiti !”
“ lmiziriya tura i xir, ma d lḥerma d nnif zik i yellan; tura yeddukkel walim d ukerfi; tayri ur tt-ssineɣ ara a mmi hebbu. Annaɣ a mmi anda ssneɣ ass n tayri neɣ n leḥmala-agi, annaɣ a mmi ad tettkelixeḍ fell-i. Leḥmala di lweqt-iw d lɛib, ma d tura d iseɣ,; ḥemmlen s tilifu, s tilbizyu, ur ttemyussanen ara nutni mmyiḥmalen. Ad myiḥmalen ass-a ad leḥḥun akken 10 n yiseggasen d wamek ara zewǧen, akken ad msebrun 6 n wagguren neɣ aseggas mebaɛd. Ta d leḥmala n trisiti”
isenîeq-iten-id Mhenna Boudinar
Farid (50 n yiseggasen)
“tayri tella, ad tili!”
“Uɣeɣ tin bɣiɣ,; nemyiḥmal. Yewεer akken ad nemẓer deg taddart aladɣa asmi newweḍ deg leεmer-nneɣ 16 n yiseggasen, welleh ar cfiɣ; ma ttuɣ ! Tayri ddreɣ-tt, mazal la ttidireɣ ar ass-a nekk d tin icerken ddunit-iw. D sseḥ yewεɛr ad nessebgen ayen nettḥussu gar-aneɣ nekk d saliha, d acu kan llan wid yeẓran. Tayri c’est la plus belle des chose i d-yefka Rebbi. Tayri tella ad tili”
Saliha (45 n yiseggasen) d tameṭṭut n Farid
“ D tayri-nni i yi–-d-yerran seg uxxam amezwaru ɣer Farid, fkan-iyi yimawlan-iw i win ur ssineɣ ur ḥmileɣ,; qqimeɣ 2 n yiseggasen yid-s, uɣaleɣ-d, yebra-yi-d; ur nwiɣ ad iyi-yerr Farid: mi d-uɣaleɣ s axxam n baba (at yerḥem Rebbi) qqareɣ-as deg wul-iw amek ara teḍru yid-i rnu wwiɣ-d agrud bu 8 n wagguren yid-i. Imi d sseḥ nekk d Farid nemsebɣa nemyiḥmal, segmi kan i d-yeffeɣ berru, ddiɣ i tikelt tis snat d tislit ɣur Farid, ɣur ddunit-iw. Ddreɣ tayri mazal la ttidireɣ tayri.
Ta d tayri a gma-tneɣ. Mačči d tayri n yiwen wass, d tayri n kul ass, d tayri i lebda”
Faysel d aselmad (26 n yiseggasen)
‘’yenâel bbu n tayri am ta !”
“ tayri d tmesxir, ddiɣ,; lḥiɣ 6 n yiseggasen d tin i ḥemleɣ,; seg lisi ar tesdawit. Ooiɣ-tt yiwen n useggas: ruḥeɣ ɣer lɛesker. Ur fukkeɣ ara l’instruction, tbeddel-iyi s wayeḍ,; imi yesɛa tadrimt d tkerrust. D ta i d tayri i nal bbu n tayri am ta. Tayri d awal kan d la matériel i d sseḥ ɣer tuget n tullas akked warrac.
Tayri c’est beau mais c’est un rêve.”
Fahima (28 n yiseggasen)
txeddem deg uxxam n tɣiwant
“ibeddel-yi s nanna-s!”
“Γur-i tayri d ayen yesɛan azal ameqqran, neɣ d ayen umi ur yezmir yiwen ad as-yeg azal. Dacu kan tayri d targit daɣen, imi d lweqt-a n tura, ttemyeḥmalen sin lweqt kan n nnfeɛ. Irgazen neɣ ilmeẓyen ttnadin tin ara yesɛun la résidence di Fransa neɣ di l’Europe. Ad kem-iḥemmel yilemẓi ma yella kra ara d-yesfaydi sɣur-m, ad as-d tettrafikiḍ lekwaɣeḍ neɣ ad as-d-teflixiḍ. Uɣaleɣ ur ttamneɣ ara s tayri, dayen ttwakkelxeɣ,; ḥemmleɣ s tidet yeǧǧa-yi ɣef tin i izemren ad tili d nana-s imi texdem-as lekwaɣeḍ. Asmi i iruḥ yenna-yi heyyi iman-im ad kem-awiɣ,; yewwi-yi cwit n usurdi i sɛiɣ yeǧǧa-yi. Tayri d lekdeb.’‘
issenîeq-iten-id Mhenna Boudinar
“D awal ur nesâi amkan-is !”
Nekk d-yiwet i iḥemlen aṭas aɣmis-nwen i d-yetteffɣen yal arim. Ihi, ttwaliɣ tayri d awal ur nesɛi ara amkan-is di tmurt n Lezzayer. Abeɛda ilemẓiyen lehhun d teḥdayin bac ad sɛeddin lweqt-nsen. Ad neḥsu ulac tidett i ten-ijemɛen. Ma nuɣal ɣer ssaḥ,; ad naf lejdud-nneɣ bnan ddunit-nsen ɣef tidet d lḥerma; ɣas ur myusanen ara, ɣas tulawin ddren d leɛra d leḥfa, meɛna lbena d nnif n zzwaj yufrar-d nnig medden merra d ulaqrar tameddit ad tili. Mi ara ttmuquleɣ ɣer yemma, yettbin-iyi-d amkan d zzman anda ɛacen yirgazen d tulawin tecrek-iten tuɛert n ddunit.
K. Berkoune
“Mmekta$-tt-id !”
Awal-iw ɣef ccix Saint Valentin : ini-yasen yella yiwen anda i tt-iger teqqur-as. Yettnadi ur yufi, ar tura ur yeẓri ayɣer ? Ass n Saint Valentin 2005 i d-yufa tamdakelt-is. Dɣa deg wass-nni yekreh 14 furar, ass n tayri… Wellah ara akka i d yi-teḍra.. Ass-a, walaɣ deg uɣmis ad d-meslayen ɣef Saint Valentin, imir imir mmektaɣ-tt-id mmektaɣ-d daɣen lkerh-inu !
Khelifa B. B
“Ur ttayset ara !”
Izen n tayri s wavu n si Valentin i kra ur nečči ur neglalez, seg Riki ar Tizi. Sidi Valentin ad d-yeqqel qabel ad aɣ-d-yaf neḥḍer zzwaj-nsen, ad naɣ irellucen i warraw-nsen. Ayen i d-iteddun axir n wayen yezrin. Ur ttayset ara.
Yahia
“D keçç kan…!”
D kečč ara yilin yid-i, d kečč kan i yellan, ulac wayeḍ. Tessfqaɛeḍ-iyi, tessetraweḍ-iyi meɛna daɣen tessefraḥeḍ-iyi. Wissen acḥal ara nernu akka kečč din nekk da, wissen acḥal ara nernu ad nettemyeḥmal deg tilifun 11 n wayyuren i useggas. Asirem deg Sidi Valentin, d tuɣalin ɣer da, rrif n tewwurt-iw anda ara k-ẓerrent wallen-iw mi ara teffɣeḍ seg uxxam-nwen. Ddɛiɣ,; ddeɛɛuɣ yal ass ad d-teqqleḍ,; ur d-teqqileḍ. Ass-a ur xsireɣ wayra ma rniɣ ddɛiɣ i Sidi Valentin. Ḥsuk a Yacine, ad d-ddɛuɣ i Sidi Valentin ad k-d-yerr aɣrum rrif-iw.
Silya. H.