Smana-agi iεeddan, yiwen n uqcic n Tala n Tulmut i ibeεden ɣef temdint n Tizi Wezzu s 10 n yikilumitren, yebɣan ad yessucef deg yiwet n temda lqayen i teɣza tmacint deg wasif n Sebaou ur yessaweḍ ara ad d-yeffeɣ mi yekcem ɣer daxel-is.
Mačči d tikelt tamezwarut i teḍra twaɣit am ta ama deg wasif-a neɣ deg uabaraj n Teqsebt. Ilmeẓyen i iqesden imekwan-agi, d wid i irewwlen i lḥamu n wussan n unebdu, amur ameqqran deg-sen d wid ur nesεi ara ttawilat ad ruḥen ɣer lebḥar. Ma neẓra asif-a yeččur d ammus ; lluzinat akk ɣur-s i d-ṭṭeggiren iḍuman-nsen, izuliɣen n tuddar d abrid-nsen ; ihi ma ur ak-yečči ad ak-yessehlek ; armi ?
Lhocine Ourezki