Iban-d deg yiwen unejmuɛ i yesmlalen anemhal n Sonelgaz n Tizi Wezzu d yimawelan n yisallen, belli tettalas azal n 56 n yimelyaren n sentim i yimectariyen-is, azal n 15 n yimelyaren i 40 n tɣiwanin yerna yiwet d taɣiwant n Tizi Wezzu. Rnu ɣur-sent d l’ADE neɣ ssrabes n waman iwumi tettalas 7 n yimelyaren. Ma d imezdaɣ tettalas-asen 34 n yimelyaren.
Si tama-nniḍen, yenna-d yimeḍebber belli dula txelles azal n 140 n yimelyaren ɣef yimezdaɣ ur nxeles ara seg usegges n 2001 ɣer 2005. Yenna daɣen, yimḍebber n tkebbanit-a seg umezwaru n waggur n yunyu i-d iteddun, zemmren yimezdaɣ ad xelsen trisiti s tawil n lbusṭa. Tukerḍa n trisiti telheq ɣer wazal n 20.68% ɣer taggara n useggas yezrin 2008 deg lwilaya n Tizi Wezzu. Azal n 5 057 lḥalat n tukerḍa s ttawilat yemexalafen, rnu glant-d teɛdiyat ɣef wayla n Sonelgaz s wazal n 50 n yimelyaren n sentim deg wazal n 1 648 n liḥalat.
Dalila. I