Win k-yennan ddreε ur d-yettawi ara di tmurt-nneɣ yeskaddeb !! Amedya ad aɣ-t-id-fken yimezdaɣ n Tala Σellam : acḥal d aseggas-aya la ttrajun ad asen-d-xedmen imḍebbren abrid n ukerrus (ad as-gen lgudru). Mačči tikelt mačči snat i cetkkan maca ulac i ibeddlen. Di tazwara n maggu, ilmeẓyen-is kkren-d tasebḥit, ɣelqen abrid s yiẓra, rrwadi, ulac aεeddi alama yettwaxdem ubrid yeččuren d iεekkiren, yesxesren acḥal d takerrust. Imir imir wwḍen-d wid teεna temsalt : “abrid ad yettwaxdem seg wussan-agi rnu slemɣawla !” S tidet, mi nessefqed abrid-nni ddurt-agi, nufa-t isellek! Xas ddreε yettawi-d maca d yir amedya acku tuɣal d tanumi s wayes ṭṭalaben yimezdaɣ izerfan-nsen deg yiseggasen-agi yineggura. Ad tḥebseḍ abrid iwakken ad d-tawiḍ lḥeqq-ik, ḥsu teččiḍ lḥeqq n yimsebriden !
Lhocine Ourezki