Bdan lecɣal n usisdeg n 14 n lḥumat deg temdint n Tizi Wezzu d 7 n teftisin n tɣiwanin n Tigzirt, Azeffun d At Cafeɛ deg wahil n Lezzayer Tacebḥant. Ayagi ilmend n uheggi n wussan n yimuras i yebdan deg wass amenzu n yulyu yezrin.
Azal n 21 n yisenfaren ideg bdan lecɣal s wazal n 112 n yimelyan n dinar deg-sen 63 n yimelyan n dinar i temdint n Tizi Wezzu, 49 n yimelyan ilmend n usizdeg n teftisin n lwilaya. Isenfaren-agi d wid i d-yeglan s wazal n 296 n yimekwan n uxeddim i yilmeẓyen i yettaɣen 12 000 DA i waggur.
I usmekti, ahil n Lezzayer Tacebḥant yebdan deg lwilaya n Tizi Wezzu deg useggas n 2006 s wazal n 1133 n yimelyan, yesgla-d s 512 n yimekwan n uxeddim i yilmeẓyen deg 27 n tɣiwanin. Deg useggas yezrin, yessegla-d s wazal n 328 n yimekwan n uxeddim deg 27 n tɣiwanin s wazal n 87 n yimelyan.
S waya, ahil n Lezzayer tacebḥant d win i d-yessizdigen tiɣiwanin d win i d-yesgluyen s yimekwan n uxeddim deg lwilaya n Tizi Wezzu.
Dalila. I