Ddurt agi iɛeddan, ḥebsen ɣef umahil s ssebba n liḥala n ubrid icudden gar tamdint n Bgayet d tzenqatin n Tala Merxa d Tizi. Acḥal-aya mi suturen taɣiwant ad tbedd ɣef ubrid-agi, yeččuren d imerjan d texjiḍin, labeɛda deg wussan n ccetwa.
Bdan nniqal lecɣal deg-s maca ur ɛeṭlen ara ḥebsen s ssebba n yiqadusen n waman i yerẓen. Takebbanit n waman (ADE) tger-d afus iwakken ad ten-texdem maca tewwet acḥal ur ten-tfuk ara, ayen i yernan lgaz i tmes.
Amkan yenṭerren nezzeh d win iwmi qqaren Iɣil Ujilban, anda imezdaɣ ɛyan seg wugur n ttawil n usiweḍ,; am akken daɣen ttcetkin wid yesɛan ṭumubilat qqaren neqqel nxeddem ɣef rrwadi.
Assen, mi ḥebsen yimawlan n usiweḍ ɣef umahil, ur sɛelmen ara imezdaɣ n temnaḍin-agi, d ayen i ten-yeǧǧan rfan acku ḍḥan-d ḥeslen di rrwaḥ d ttuɣalin s ixxamen-nsen.
Si lǧiha-s, taɣiwant n Bgayet tewɛed ad fakken lecɣal n ubrid-agi, imi snat n tkebbaniyin i d-yettuheyyan ɣef demma-s.
Djouher Chili