Mokrane Chikhi
Ilmend n uεiwed n tullya n tzeqqa n umezgun n Bgayet i d-yeḍran iḍelli d sendiḍelli. Yettunefk-as yisem n unaẓur Malek Bouguermouh i uxxam-a n umezgun. Aya yella-d s leḥdur n lwali n Bgayet d yiεeggalen n twacult Bouguermouh. Deg wahil yella daɣen turart n kra seg tceqqufin n umezgun i yexdem netta, rnu ɣur-s ameslay i d-wwin fell-as yimdukal-is d yinaẓuren i ixedmen yid-s. Γer taggara tella-d tmeɣra n ccna sɣur tarbaεt n tdukla n yimdukal n Sadeq Abǧawi.