Imqeddem n Fransa deg tmurt n Lezzayer Mass Xavier Driencourt, deg wawal i d-yenna deg temlilit i iga d yineɣmlasen n twilayt n Bgayet, yenna azal n tkebbaniyin n tmurt-is iqeddcen da ɣur-neɣ yennerna aseggas s 50%, yewweḍ ɣer usexdem n 350 imelyunen n Euro d 450 n tkebbaniyin i yellan da. D ayen i yessefranḥen “meɛna uguren n tedbelt d wid yeǧǧan ad feclen aṭas n win yebɣan ad yesseqdec isurdiyen-nsen da deg lezzayer”, i d-yenna Mass Driencourt.
Γef ugur n le visa, Imqeddem n Fransa yerra-d lwelha ɣef wazal n 132000 i yettunefken i yizzayriyen deg useggas 2008, s waya Fransa ay tuɣ amkan amezwaru deg tmura n ddunit deg wayen yerzan tikci n les visas i yizzayriyen.
“Usiɣ-d akken ad waliɣ s timmad-iw liḥala n Bgayet, azal n Lezzayer ur yeqqin ara kan ɣer tmaneɣt”, i d-welleh Mass Driencourt imi d-yessefhem ayɣer i yefren tirza ɣer Bgayet. Ikemmel yenna, Bgayet d tamdint n umerreḥ ay s-ixussen d ttawilat, tesɛa anafag (aéroport) d usagen (port), d tiwwura ɣer Fransa. Aqlin da akken ad sḥerseɣ deg tkebbaniyin n tmerrit n Fransa akken ad d-asent ad qedcent deg Bgayet. “Usiɣ-d i usefqed d unadi”, d awal n taggara n mass Driencourt, imqeddem n Fransa deg tmurt n Lezzayer. Γef wanecta dɣa, uqbel timlilit d yineɣmasen, Mass Xavier Driencourt yemlal d Lwali n Bgayet.
Dj. Ikhloufi