D tidet, lwilaya n Tizi Wezzu tewwi-d agemmuḍ amezwaru deg ukayad n le Bac 2009. Aya yella-d s leɛtab n yinelmaden d yiselmaden i ten-yeseɣren. Maca, tura mi yensa ṭṭbel akked ujajiḥ n lferḥ,; anta tajmilt i d-asen-rran i yiselmaden ur ncuḥ akken arrac ad rnun deg tmusniwin ? Tajmilit i asen-rran dakken ǧǧan-ten mebɣir lexlas, mebɣir ma ṭṭfen la prime de rendement i ttalasen, akken ula d nutni ad sεedin imuras n unebdu akken i sarmen d wakken i ten-yebɣa lxaṭar-nsen. Liḥala-agi mačči n wass-a, imi yal anebdu d yiwet n tmacahut i d-tezzin, i d-yettuɣalen. Sebba n waya ? Ala imḍebbren n tenmehla n usegmi n Tizi Wezzu i yeẓran, amer ahat yiwen n wass ad d-sfehmen… Di leεḍil, ad yeḍru waya, iselmaden ttrajun lexlas-nsen am yimsarfen. Am wakken i d-yefra yiwen n uselmad deg wawal-iw : “akka i ttǧazin di tmurt-nneɣ wid iεetben, nuklal kra i aɣ-yuɣen !”
Ait Slimane Hamid