Lexmis-agi i iεeddan (nezmer ad d-nini am yal lexmis !!!), teqqim yiwet n teqcict la tettεeggiḍ Rebbi i tt-id-ixelqen, γas akken ṣṣut-is icerreg imeẓẓaγ maca am wakken ulac i yeḍran ! Medden ttkemmilen tikli-nsen, neγ adeggar γer lkiran… ma d taqcict-nni ğğan-tt di rrif, imi uγen tannumi : yal ass, win yellan d lγafel ad as-akren aportabl-is, ass-agi d nnuba-s !!!
Ma d wid tγaḍ,; ḍeggren-as imeslayen-agi: « yak teẓrid deg ass lexmis, yeqwa lγaci, yeqwa dḥis, imir i ttfaraṣen yimkerḍen tagnit… Sya d afella, ilaq fell-am ad tḥerzeḍ cci-m! ». Am wakken teγleḍ mi tesεa aportabl! Diγ am wakken neqbel tella tkerḍa, u nεemmed!!
Djamila. Ahitaghel