S zzyada n uzɣal deg tmurt ussan-agi ineggura deg Lwilaya n Tizi Wezzu, tegla-d s wurɣu n wazal n 132 yihegtaren n lɣwabi d wazal n 3400 ttjur n lfakiya ass n letnayen yezrin. Azal n 36 yimekawen ideg tuɣ tmes deg Ɛin Ḥemmam, At Wasif, Iɛeẓẓugen d At Wagnun. 7 yimdanen ttwajerḥen deg twuɣa-agi. Si tama-nsen srabes n lemḥadra xedmen ayen yellan deg tezmert-nsen iwakken ad qarɛen times.
Aseggas-agi seg zzyada n lḥuman, tekker tmes zik, imi deg yiseggasen yezrin, deg waggur ɣuct d ctember ideg tettenkar tmes. I usmekti aseggas 2007, 7 n yimdanen i yemmuten seg tmes. Aseggas-a, azal n 6 trebbuyaɛ n srabes n lemḥadra d 15 n trebbuyaɛ yessɛan tibettiyuin, 6 n yimekwan n tɛessast : Larebɛa Nat Yiraten, Reǧawna, Aẓeffun, Tala Gilef d tiyaḍ. Ɛlaḥsab n tenmehla n tẓegwa n lwilaya n Tizi Wezzu, azal n 180 tudar, ttagaden fell-asent seg twuɣa n tmes.
Dalila I.