Gar yimezdaɣ n tɣiwanin yenṭerren mačči d kra deg liḥala-ya, llan imezdaɣ n Umizur. Amizur tezga-d deg umḍiq yerdex ; tessexzan asemmiḍ lḥumman s sshala. Rnu ɣer-s, times yewwɣen deg taddart Tala n Teɣrast, yellan nnig Buselṭan deg At Ɛmer Uyub, yellan ɣer lǧiha usamar n tɣiwant Amizur, ansa i d-ijebbu kra lariya n lebḥer ideg ṭamaɛen yimezdaɣ n Umizur. Lɣella n taddart Tala n Teɣrast, tellef deg-s tmes, ur yemniɛ la ccjer n lfakiya la alim.
Imezdaɣ n tɣiwant Amizur ddren ǧahennama s teɣzi n 24 tsaɛtin. Abbu yakk n yiɣiɣden i d-teǧǧa tmes, izuɣer-iten ubeḥri alarmi d Amizur yebra-yas-d din, sburen ɣef uzedduɣ. Am liḥala am yimezdaɣ,; d tirni ḍaqen. Ulac ara yexdem yiwen. Sbiṭar n Buxalfa yeččur s lɣaci yenṭerren s tmes neɣ lḥuman, hah d aṭufan, hah d amɣar. Tugett n yimuḍan d buneggaf i ten-yeṭṭfen.
Ait Ighil Mohand