Iɛeggalen n tdukla At Bimun-Ǧewwa, seg wid yuɣen tanumi n leqdic, seg wid yugin ad brun i yiɣalen. Urɛad tfuk tfaska i d-sulin ɣef waddal gar yidurar n tuddar At Bimun, atna qqimen-d i ccɣel-nniḍen. Win n uheyyi n “Tfaska n Ǧewwa”, ar yebdun ass n 05 alamma d ass 11 deg waggur n ɣuct.
Win ara d-yuɣalen deg tallit-a, ad isukk asekkud ɣef umḍiq Taliwin, yezgan deg udrar Yemma Ǧewwa, ad yewhem ; liḥala n umḍiq tbeddel d tirni gar wakken yella d wamek yuɣal.
Iɛeggalen n tdukla ur cuḥen ara deg leqdic, ama d ayen yeɛnan imdanen neɣ d ayen yeɛnan isurdiyen. Alhaḍ n yikumya n tmacinin am ssbeḥ am yiḍ,; 24 ssaɛa ur ḥebbsen. Beddlen ssura i 15 yegṭaren n umḍiq-a iwumi sawalen Taliwin, yezgan deg udrar, yezgan deg udrar Yemma Ǧewwa. Deg leɛli ires ɣef 800 mitra ɣef lebḥer. Amḍiq yuɣal d abraḥ iwehha ɣer tama tamaddayt anda tres Bgayet. Din amadaɣ yettwaqleɛ,; aḥcic yettwafres, iberdan ldin-d, trisiti tewweḍ… Ayen akk ilaqen i umdan akken ad yestaḥla, yella.
Tafaska n Ǧewwa ; ad tili d tagraɣlant. Iswi n tdukla s leqdic-a d win ara yilin, s teɣzi n sebɛa n wussan, s usqerdec n wawal, ad d-yili umbiddel n tektiwin tijdidin n usnulfu, gar wid akk itekkan s lḥirfa neɣ d zeyyar ; ad tili d sebba n temliliyin s umata. Ama d timlilit tamassant, timlilit tadelsant, timlilit tadelsant…
tamnaṭ n At Bimun, tekseb lebḥer ɣer lǧiha tamaddayt, terna idurar ɣer tama tanǧit. Imezdaɣ ran, deg tallit-a n tteḥwis, ad d-seknen i medden tikci yefren deg lǧiha-ya n tmurt n Leqbayel.
lḥasun, ɣas yella deg tfaska Ǧewwa lbiɛ wecra, wid isulin tamyagert-a qedcen akken ad tili d timlilit tadelsant qbel ma tuɣ idis adamsan.
Ait Ighil Mohand