Aɣamac d lixsas n trisiti

Ussan-agi ineggura, ttidiren yimdanen deg yiwet n liḥala n uɣamac d walluy n tseddarin n uzɣal ɣer yiwet n uswir iwumi ur zmiren ara yimezdaɣ n tɣiwant n Leɛǧiba. Γer waya, yerna-d lḥif n lixsas n trisiti. Ulamma, ddeqs yimdanen i igan ttawil n usismeḍ deg yixxamen-nsen, maca uɣalen ur mɛinen ur ssuzfen lḥif ɣef wid i ten-ikesben.

Tadyant-agi d tin yeṭṭfen annar n umeslay, kra n win d-temlileḍ yettcektay, yeqqar : « Amek akka s tidet Lezzayer txus trisiti? »

Imezdaɣ ur fhimen ara taluft-agi n trisiti yettruḥun deg unebdu mi ara yili uzɣal yufrar i talast-is, daɣ di tegrest (ccetwa) mi ara yili waḍu. D ayen i ten-yeǧǧan qqaren-d :  » Anda ddan yidrimen i nettxellis yal tikelt yerna mazal nerwa lmerta? »

M. Smail