“Ur tturareɣ ara mgal tarbaεt-a neɣ tayeḍ maca tturareɣ mgal tikti “ad xeṣreɣ”, d awal i xtaren yimḍebbren ad t-ẓẓun deg wulawen n yimyurar-agi imeẓyanen akken ad kksen tiktiwin n teεdawt gar-asen, gar tudrin daɣen.
Dj.Ahitaghel
Thegga-d tdukla tadelsant “Talwit” n taddart n Texlijt deg Yilula Umalu timliliyin n ddabex n uḍar i warrac imecṭaḥ : wid yesεan gar 12 d 16 yiseggasen. S lemεawna n yimḍebbren n tɣiwant. “Talwit” tesdukel-d azal n 12 trebbuyaε n tudrin n tɣiwant akken ad urarent deg wannar n Tbuda timeddiyin n wass. Tamawt i d-yufraren deg wurar-agi ɣas ulama yella-d ilmend n yimecṭaḥ : yal tameddit (deg wasmi 12 di yulyu) annar n Tbuda yeččur yeεmer s yimferğen (meqqer meẓẓi) d zzhir n tkeryas.