Ulac anebdu yecban win n useggas -a deg temdint n Yemma Guraya. Imi, i tikelt tamezwarut, akken i d-nnan aṭas yibgaytiyen, i yegget leqdic i yidles. D tidet, seg wasmi yebda unebdu, tafaska deffir tayeḍ : ta n ccḍeh, ta n ccna, ta n umezgun, atg. Aḥbas ulac ! Deg ddurt-a ideg nella, llant snat n tfaskiwin i yebdan seg 5 ɣuct. Tamezwarut d tin i d-yellan deg temdint n Bgayet : d tafaska t-7 n ccna amaziɣ i d-yessuddes usqamu n tmeɣriwin n temdint ; tis snat d tin i yellan deg Ǧewwa i d-tessudes tdukla n At Bimun (wali arraten i d-yura ɣef ddemma n tfaskiwin-a M. Ait Ighil deg usebter 12).
Aya, yeǧǧa aṭas n yinebgawen n Yemma Guraya ad sɛeddin ussan-nsen deg teftisin yecban Bulimaṭ,; Tiɣremt, ma d uḍan deg yimeḍqan i d-yettuheyyan i ccḍeḥ d ccna.
D. I.