Mi akken yekfa useggas ɣef yinelmaden di yal aswir, seg umenzu alamma d tasdawit, ttnejmaɛen-d ad sgunfun. Imi akken bɣan ad cbun tizyiwin-nsen di tmurt n Lezzayer, yal wa yessaram ad iruḥ ɣer Sousse, Hammamet, Front de mer, atg. Ziɣ annect-nni akked tirga ! Mazal i ten-yeffiɣ ɛeggu n leqraya, mreḥba i tikli tayeḍ : agelzim d lbala. Ur tezgil yiwen tmacint-agi, am umeqqran am umeẓẓyan, yal wa yesɛa acu ara yexdem. Ula d igerdan msakit ttwaḥermen seg wurar, ma ulac akk ad d-ssawaḍen aman d umɛic i yixeddamen, ad qedcen, ad ttekkin di lebni n uxxam. Di tudrin, ulac asirem ɣer F3 n ddewla, yal yiwen ad inub i yiman-is s anda ara d-yuɣal tameddit. Axxam n taddart ur yelli deg-s uɣfal ! Γas yunag yiwen, ilaq ad yebnu di taddart.
D tidet, d ayen yelhan, maca ma nuɣal-d kan ɣer tedyant n warrac-agi nneɣ,; ad d-nini ahat d taluft yefkan aẓar, tettruḥu si lǧil ɣer wayeḍ. Mačči dɣa d lawan ad neǧǧ tarwa-nneɣ ad tidir melba ma nerra-yas lmil ? wagi, nezmer kan ad t-nsemmi “exploitation des enfants”. Yak Ḥacène Aḥris yenna deg yiwet n tezlit: “Ǧǧet-ten ad imɣuren !”.
M. Smail