Da deg Uqbu, ulac win ur nessin lḥaǧ Ɛmara n taddart At Sellam. Win yecfan, deu useggas 1999, terza ɣur-s tilibizyun n tmurt n Lezzayer, nnuba-nni iwmi qqaren : “rreḥala”. Xxedmen-as-d rupurtaj, d netta i as-yennan i tneɣmast-nni n ENTV : “ya benti wac ndir af lemdina”.
Asmi tefra lgirra n lezzayer di 1962, yekcem-d lǧaǧ Ɛmara si lɣerba seg Fransa. Imir i tt-yegzem di rray-is, ur tt-yezwij ur yuɣal ad isub ɣer temdint n Uqbu. Yedder di tkessawt d uzebber n tzemmrin akked tneqlin. Imezdaɣ n taddart akk ḥemmlent, yettnecraḥ yid-sen. Di taddart, ttaysen medden ad d-awḍen tameddit ar tejmaɛt akken ad zhun yid-s.
Maca lfejɛa n terwiḥt, di ccetwa n yilindi mi jban yilmeẓyen n taddart s axxam-is, mbaɛd mi yeqqim yiwen n wass ur d-iban ara ar tejmaɛt, ufant yemmut. Seg yimir yeɣli-d lweḥc ɣef taddart, “uɣalent teblaḍin n tejmaɛt sewḥacent, segmi i aɣ-yeǧǧa lḥaǧ Ɛmara”, i d-yenna Rabiɛ At ḥend Waɛli, yiwen n umdakel-is.
Xas akken iruḥ lḥaǧ Ɛmara, mazal-it deg wulawen. Dayen yeǧǧan Asqamu anaddal (le comité sportif) n taddart At Sellam ad d-heggin timliliyin n ddabex-uḍar, ran ad ilint d tajmilt i lḥaǧ Ɛmara. Di temliliyin-agi, ad naf 16 n trebbuyaɛ,; yiwet gar-asent semman-as “l’equipe lḥaǧ Ɛmara”. Di temlilit n taggara ara d-yilin ass n 20 n di ɣuct, ad d-yili usterḥem fell-as. Ad t-yerḥem Rebbi, iwesɛi-tt fell-as.
Brahim Benhamouche