Tidukla tadelsant “Tala” n taddart n Tala Xellil deg At Dwala terra tajmilt i yiwen seg warraw-is, Ḥamid Lakrib, s usmekti w-11 n tmettant-is.
Ɣef leḥdac, imḍebbren n tdukla-a, tawacult-is akked yiqerra n taddart ruḥen sersen tameqqunt n yijeğğigen ɣef uẓekka-s. Syin tella-d yiwet n timzikent n tugniwin n unaẓur-a, di taggara yella-d ccna sɣur kra n yicennayen.
I usmekti, Ḥamid Lakrib yettqessir abanju, ssawlen-as-d aṭas yicennayen akken ad yessekles yid-sen : Akli Yaḥyaten, Amar Zahi, Kamel Burdib, Mahdi Tamac, Yusef Abjawi, … Acu kan win ukud yezga d Lwennas Meɛtub i yennan fell-as : “Mi ara yili Ḥamid ɣer tama-w, s ubanju-ines, ideggir-iyi ad d-fkeɣ akk ayen yellan deg-i, lwaḥid nxeddem leεğeb.”
Ihi, aseggas ɣef tmettan n Lwennas, anelmad-is ur t-tezgil ara ula d netta ; yemmut ɣer tama ubanju-ines, ass-nni mi yefsex yiṭij i yedda yid-s : ass n larebεa, 11 di ɣuct 1999, di leεmer-is 38 yiseggasen.
Lhocine Ourezki