Lhocine Ourezki
Sin n wagguren uqbel ad yekcem remḍan, ruḥen kra n yimdanen ɣer bab n yiwet n lqahwa i d-yezgan deg yiwet n taddart di tama n usamar n Tizi Wezzu, akken ad asen-tt-yessekru. Amdan yefhem tamsalt ; yeẓra bɣan ad tt-krun iwakken kan ad tt-ɣelqen di remḍan imi bab-is ileddi deg uzal deg waggur-agi. Ihi, yeḍleb-asen ssuma tameqqrant nezzeh akken ur ttaqbalen ara, acu kan wigi qedfen-t ; awi-d kan ad teɣleq, ad awin cciεa imi yeffeɣ wawal ɣef lqahwa-a. Dɣa akken i teffeɣ meɛna yeğğa-ten armi i t-id-xelṣen, yekra yiwen n ugaraj, ɣer tama-nsen, i yeldin d lqahwa di remḍan. Daymi qqaren At Zik : « Tiḥila teɣleb tayeḍ. »