Amek akken i gan yimeɣban ?

Ussan-agi yezrin, yiwen seg yineɣlafen-nneɣ yemmeslay-d i rradyu taɣelnawt ɣef kra temsal. Wissen kan ma yeɣleb-it Remḍan neɣ ahat yeshetrif. Γef yiwen n usteqsi yerzan timmuɣbent, aneɣlaf-agi, mebla akukru, yenna: “Ulac imeɣban di Lezzayer ! D iɣmisen kan i ten-id-yesnulfan”.

Ula d ayen ẓrant wallen-iw qqaren teshetrife&#7693,; i d-yenna Lounès, ad t-yerḥem Rebbi. Ilmeẓyen, tthajaren d tirebba&#603,; gren iman-nsen deg yimi n tlafsa, wissen ma ad awḍen neɣ ala, uɣalen d “les harragas”. Lukan rbiḥen, d awezɣi ad kecmen lebḥer ! Takerḍa, tteɛdiyat d yimenɣi ḍerrun-d yal ass. Limer rwan medden, d lmuḥal ad nnaɣen neɣ ad akren !

Lukan imḍebber-nneɣ ad yeffeɣ yiwen n wass ɣer ssuq, ad iwali acu i ttaɣen medden, acḥal i yessuturen tin n Rebbi, ad ibeddel kra tmuɣli. Lukan daɣ ad yedlu ɣer yikaramen yersen di tɣiwanin s asuter n lemɛawna, ad yeḥsu amek i yettidir ugdud. Ma d win akken yettidiren deg tqacuct, iban ur yettḥulfu s leɣla wala s lixsas. D acu kan, ẓran tidet, gguman kan ad tt-id-inin, ma ulac, akken yeqqar Lounis : “S ameɣbun ur ntenne&#7693,; mmar ad aɣ-d-yessiwel. »

Neɣ ahat yezmer yesɛa lḥeq, wissen amek i yettwali netta imeɣban.

M. Smail