Γas akka ɛeddan kra wussan segmi yebda waggur n remḍan, imezdaɣ n temdint n Tubiret mazal kan ttrajun ma yella kra leqdic ara d-yettwaheggin iwakken ad kksen lxiq d ɛeggu seg wussan iɣezfanen. Deg yiḍ,; ɣas akken aṭas tḥuna i yeldin, labeɛda leqhawi, maca ur yelli kra ara yessedhun tamdint. Ala lkarṭa d ddiminu iɣef tezzin yimdanen.
Tama uxxam n yidles, mazal ur bdint ara tmeɣriwin, ɣas akken yettuɛeggen acḥal aya belli ad yili waggur n remḍan s wudem amaynut.
Si tama temdinin-nniḍen, ur yelli kra umaynut ara yessedhun imdanen. Deg wass d laẓ d uzɣal, deg yiḍ d ɛawaz ɣer ddiminu. Xersum, di tiliẓri, yella « Ssuq n lḥaǧ n Lexḍer » akked « Yak nniɣ-ak » i itekksen lxiq mbeɛd taruẓi n lmuden.
M. Smail