Imezdaɣ n tudrin n tɣiwant n Friqat d wid yettidirin deg yir liḥala, ladɣa ilmeẓyen. Aya d ayen i ten-yeǧǧan ad ḍiɛen deg leqhawi d yiberdan ; aṭas deg-sen ḍefren lehyuf. Ilmend n uwenneɛ n tudert-nsen d lemḥarba ɣef yimeẓẓyanen deg-sen, ilmeẓyen n tudrin suturen seg yimḍebbren n tɣiwant ad asen-swejden ahilen d imekwan ideg ara ttemlilin am uxxam n yilmeẓyen, tazeqqa n sinima d tin waddal, tizeɣwa n lantirnat, anda ara qedcen deg uḥric n tmusni d yidles.
Dalila I.