Awal yuzzlen ɣef liḥala n ubrid aɣelnaw uṭṭun w-43 icudden gar Bgayet d Jijel, atan ad yeḥbes, imi yessefqed lwali n Bgayet, Mass Ali Bedrici, ass n larebɛa yezrin amkan, yefka ttesrih i beddu n lecɣal n useggem akked ureqqeɛ n yiwen n uḥric seg ubrid-agi. Yettunefkas azal n 400 n yimelyaren n yisentimen. Ahil n lxedma n ubrid aɣelnaw uṭṭun w-43 ṭṭfen-t snat n tkubaniyin; yiwet d tazzayrit tayeḍ d taterkit. Wid yettawin abrid-agi ssaramen ad fakken deg-s lecɣal s lɛejlan imi acḥal n yiseggasen aya ur d-yerri lwali aqdim n Bgayet, Mass Rachid Fatmi, tamawt ɣures. Mebla ma nettu abrid-agi yesɛa aṭas lekrares imi d aɣelnaw yettawi ɣer temnaḍin n umalu n tmurt tugart deg wussan n unebdu. Imi, abrid yessuffeɣ ɣer yiftisen akked temdinin am Melbou, Ziama, atg.
Djouher Chili