Yella-d ujmaɛ n wazal 19 yimelyunen n litrat n uyefki deg 6 wayyuren imezwura n 2009 deg lwilaya n Tizi Wezzu, ɛlaḥsab n tnemhalt n tfellaḥt. Lɣella-agi izaden aseggas-a d tin i d-yellan ilmend n lemɛawna i d-tefka ddulla i 616 yifelaḥen yettrebbin tisita. Ahil n lemɛawna d win iɣer d-sfaydin ula d wid yettrebbin izgaren.
Si tama-nniḍen, yetturaju ad taweḍ lɣella n uyefki ɣer 29 yimelyunen n litrat deg taggara n useggas-agi ideg nella. Ayagi bla ccek d ayen ara yessegmin tudrin d wid yettrebbin lmal deg lwilaya n Tizi Wezzu.
Dalila I.