Tasebḥit akk n lexmis, yeɣleq ubrid deg umkan iwumi qqaren Tala-Xaled. Yiwen ur d-yekcim ɣer twilayt n Bgayet, yiwen ur yeffiɣ ɣer Sṭif neɣ ɣer Jijel. Yerna d abrid iɛemren mačči d kra. D At Tizi-n-Berber i t-iqeflen.
I tikelt tamezwarut, ahat, ideg ufrinen n tɣiwant ad qeflen abrid akken ad sutren ad asen-d-slen yimḍebbren n twilayt. Dayen yeḍran deg tɣiwant n Tizi-n-Berber, ɣer usamer n Bgayet. Iɣeblan ggten deg tɣiwant, wwten wufrinen, ẓelmeḍ yeffus, akken ad sneqsen kra seg yiɣeblan-a. Ma d wid terza temsalt, seg uṛeggem ɣer wayeḍ,; kra ur t-frin, ɛlaḥsab-nsen.
Dɣa, nnejmaɛen wufrinen d yimezdaɣ n tɣiwant. Yeffeɣ-d rray ad belɛen abrid aɣelnaw w-9, yettawin seg Bgayet ɣer Sṭif akked Jijel. D ayen i d-yeḍran. Yeɣleq ubrid, meɛna zwaren wufrinen ɣer uqfal akken ad d-mlen i yimezdaɣ,; akken i d-yenna yiwen : « iɣeblan d ssrabes-nniḍen n lwilaya i izemren ad ten-frun, d acu ur xdimen wayra. »
D. I.