Ahbas n lxedma deg yiwen n uɣerbaz amenzu

Aɣerbaz amenzu Kheddouci M. Ameziane i d-yezgan di tɣiwant n Leɛǧiba yerra tiwwura-ines deg wudem n yinelmaden ilmend n tuɣalin n useggas-a. Iselmaden ixeddmen dinna, deg yiwet n tebrat i yuran i yimḍebbren teɛna temsalt suturen awenneɛ n liḥala n uɣerbaz-agi. Rray-agi i ṭṭfen yiselmaden ekkin deg-s ula d yimawlan n warrac, imi ula d nutni uran tibratin. Ilaq kan ad d-nesmekti, mazal ar tura inelmaden qqaren di tzeɣwa iwumi neqqar “préfabriqué” i yellan semmḍit deg tegrest, ḥmant deg unebdu, labeɛda imi aseggas-a ad yiɣzif lawan n lxedma alamma d taggara n waggur n yunyu.

Γef leḥsab n yimawlan i d-nmuger, nnan-d : “ula d nekni ilaq ad nsuter izerfan n warraw-nne&#611,; mačči ad d-ttasen kan leqwanen ad ten-iḍurren.” Aya, melba ccek d ayen icudden ɣer rray yeṭṭef uneɣlaf n tterbga ɣef leqraya alamma d 5 d uzgen n tmeddit. Rnu ɣur-s abeddel n yini n uṭabliyi. Di tebrat uran yiselmaden, nezmer ad naf tamsalt icudden ɣer ufrag n uɣerbaz ur nesɛi lḥerma, s kra n win i d-iɛeddan ad d-yekcem, rnu ur twenneɛ ara i waddal. Γef leḥsab n wawal-nsen, limer ad d-yerzu uberrani s aɣerbaz-agi, ur yezmir ara ad t-yeɛqel imi ulac kra n licara ara d-ibeggnen isem-is.

M. Smail