Maca, aseggas-agi, d ayen-nniḍen : la awren, la zzit ; teṭṭes tessirt ɣef uwren, selɣen ikufan d yicbuyla. Ur d-telli kra n lemɛawna yewwḍen igellilen anagar kra tquftin iɣef mḍeggaren kra yimeɣban ass-nni n lexmis di la crêche n Uqbu.
Mi nesteqsa ɣef sseba n waya, nnan d asqamu aɣerfan n tɣiwant i iḥebsen aya ; taɣiwant terra fell-asen tadimt ! Ayɣer ? Segmi i d-yella umennuɣ gar lmir d yiɛeggalen n tama taxsimt deg usqamu aɣerfan. Ur msefhamen ara ɣef uselḥu n lecɣal n tɣiwant almi glan ula s tḍellaɛin n ssadaqa n uceɛbi arqaq. « Mačči d lḥeq fell-asen ad aɣ-sɣufden akka, ad ḥermen arraw-nneɣ di cwiṭ n tqeṭṭit n uksum conglée di leɛwacar. Yerna mačči seg lejyub-nsen ara aɣ-ten-id-fken », i aɣ-d-tenna yiwet n temɣart i d-nemlal ɣef umnar n tewwurt n tɣiwant s uḍellaɛ d ilem. Akken ad d-nesmekti, taɣiwant n Uqbu d yiwet n tɣiwant tamerkantit di lezzayer, nnig 100 imelyaren i yellan di texriṭ-is. Ma d imezdaɣ-is nḥafen ur ten-id-yewwiḍ kra.
Brahim Benhamouche