Dalila.I
Tesfayed-d lwilaya n Tizi-Wezzu s tedrimt n 123 yimelyaren n dinar deg useggas yezrin 2008 ɣer waggur n yulyu 2009 ilmend n unegmu. Tadrimt-agi d tin i yettunnefken i 2454 yisenfaren deg yiḥricen yemgaraden. Rnu-yas 116.18 yimelyaren n dinar i 1744 yisenfaren n useggas 2008. Ma deg wahil n ukemmel (le programme complémentaire) yewweḍ leḥsab ɣer 112 yimelyaren n dinar. Aseggas-a, deg wahil n yiḥricen (le programme sectoriel), azal n 13910 yimelyunen n dinar ttunnefken i usewjed n yisenfaren. Amur ameqqran d aḥric n leqraya i t-yewwin s wazal n 2 576 yimelyunen n dinar. Si tama-nniḍen, yesfayed uḥric n yidles s 3 temkarḍiyin d usijhed n 63 temkarḍiyin-nniḍen s ttawilat i asent-ilaqen, rnu ɣer lecɣal n uheggi n tzeqqa n umezgun deg uxxam n yedles Mouloud Mameri. Aḥric n tezmert, iṣaḥ-as-d 14.46% seg tedrimt ilmend n tiɣin n ttawilat atraren n tujjya. Aḥric n lebni s wazal n 14.37% seg tedrimt. Ma deg wahil n unegmi n tɣiwanin, yesfayed 1931 yimelyunen n dinar.