Macahu tellemcahu ad tt-yeḍbeε Ṛebbi d asaru. Yella yiwen zik, yeḥwaǧ tlata n yixedamen s cceṛt : amezwaru, ad yili yesεa iẓri d aweḥci, meḥsub yettwali mliḥ ; wis sin, ad yesεu imesli yeqqwa ; wis kṛad, ad yili d akeddab ameqran. Inuda yufa. Yenna-asen: « Ihi ay ixeddamen, lexlaṣ-nwen s lwaǧeb-nwen ». Ruḥen ddan yid-s, armi wwḍen ɣer yiwen uẓaɣaṛ, yenṭeq urgaz-nni ɣer umezwaru (win isellen): « Acu tesliḍ? ».
Yerra-as-d: « Sliɣ i ṣṣut n tsegnit teɣli-as i walbaεd deffir n udrar-inna ».
Yenṭeq-d win iẓerren s tidet: « Walaɣ argaz win iwumi teɣli tsegnit ».
Yenṭeq urgaz ɣer ukeddab: « D acu tenniḍ? » Yerra-yas-d ukeddab: « Nekk ṭṭaxreɣ ur xedmeɣ ara ». Argaz:
« Acimi? »
Akeddab-nni: « Lekdeb yecban wagi, ur as-zmireɣ ara ».
Yahia Yanes