Tadukli “Tiwizi” n At Mlikec thegga-d yiwet n tmecreṭ tameqqrant ilmend n lɛid tameẓẓyant anda mmezlen wazal n 6 yezgaren deg wass n 27 di txatemt n remṭan. “Nnig 30 yisegasen-aya ur d-telli tmecreṭ dagi ɣur-neɣ,; ḥseb segmi d-nuder si taddart. Nessaram d tin ara d-yeglun s lxir d lehna i yimezdaɣ,; ad yeddukel ccmel, ad tsibɛed lmusayeb ɣef yelmeẓyen-nneɣ”, i aɣ-d-yenna Aɛmiruc Lɛubi, s yisem-is gar wid d- yeswejden timecreṭ-agi. Ayen d-yernan di cbaḥa n lewziɛa-agi d tixxamin n uksum ay wwin yimeɣban n taddart mebla lexlas ; d yiwen n wass ideg yewwa uksum di teccuyin n yimezdaɣ akk n taddart : d amerkanti neɣ d aẓawali. Yennekmal lferḥ s ṭṭbel d lɣiḍa ideg yecḍeḥ Aɛmiruc Lɛubi d yemdukal-is, s kksen jjiq.
B. Ben.