Yeslalew umubil deg yiciwi n Sadiya n L’euro :
– Allo ! Anwa akka ? – Azul a nna Sadiya ! Dagi d BRTV.
– Ihuh, d tilibizyu n yimaziɣen ? I kečč,; anwak ?
– D kamal Tarwiḥt ! – Seslama-k a mmi ! D acu akka tebɣiḍ ɣer nanna-k Sadiya ? – Wellah ma ẓriɣ amek ara tt-id-bduɣ…euh.. Voila, aṭas i sliɣ fell-am…euh… en fait, teεjbeḍ-iyi…nniɣ-as, ma yella ur tezwij ara… – …….. !!!???
– Allo, allo… ! D aqesser kan a nna Sadiya. Aql-ikem tettekkaḍ deg umubil invisible. – Ad yekcef Rebbi neql-ik !
– Nesla belli, si sya d afella d kemm ara yespunzurizin, JSK. Bɣiɣ ad iyi-d-tkunfirmiḍ aya. – Ih d tidet, d nanna-k Sadiya ara iserfen ɣef JSK. Lukan i terbiḥ d iḥemmuten n double Reb neɣ BRTV ara yesbedden JSK… – Ulac a nna Sadiya, ur nesεi ara idrimen… akken i as-yenna win : lecɣal n taddart meqqrit, nukni meẓẓiyit.
– Amek akka ulac idrimen !! Yif-ikun Echourouk ? Aha, ur ttruẓ ara fell-i kawkaw ! – Aḥeq sidi ccix ma nezmer ad nespunsurizi ula d ṭabla n cemma n nnɣid. Yax tecfiḍ asmi akken i qrib nekkuli…lukan mačči d tudrin… – Dayen εyant Tudrin a mmi. Fkant-d ulac. Ass-a, talqimt wiss ma zemrent-as. – Pas à ce point kamim !
– A ce point d nnefs ! Aya ur zmiren ara ad twalin imaziɣen n Lpari, leqbayel n trisiti. – Leqbayel n trisiti ? acu i d lmeεna-s ?
– Yemmesla-yi-d Kaci l’angoisse ɣef umennuɣ n leqbayel di trisiti.
– Trisiti ? – Teqqarem-as lintirnit. – Mais, d la modernité. – Yah ! la modernité d axbac ur d-nettawi ara !? Ffkiɣ-tt i wubdir la modernité-nwen. Mačči d tawafẓa n wawal deg lintirnit i ḥwajen At Rgad. Teḥwaj d iḥemmuten n tarwa-s, ayen-nniḍen d tiqecmaε.
T.Ould amar