Leqbayel d Yizegzawen !

Nettraju timlilit n Yizegzawen d Yimasriyen armi wissen amek akken. Yenna-as win : « Am arezg-ik a Rebbi teẓriḍ anwa ara tt-yawin ! » Wissen amek ara teḍru yid-neɣ ! Ulac taxxamt ideg ur yelli ccekk. Ma nmuqel ɣer wid iɣef nettkel, ad naf tuget deg-sen yekka gar-aɣ yid-sen Yill Agrakal. Ssya ard d-awḍen yezmer ad qqlen d iẓerwalen ; ad ten-yewt yiɣemmi n waman d win n yigenni. Ad nemseɛraq ; dɣa ur nettemyefraz ara ! Ma zwaren-d ad qqimen aṭas yid-neɣ akken ad igziwen am nekni, nuggad ad ten-yenteḍ wagi-nne&#611,; ula « win ara d-yerren tiqit ». Ad nexdem tameɣra i At Ɛayez.

Ma truḥ-aɣ akka, ur d-yettɣimi urgaz ; yenza lgaz ad yernu lɛezz ! ad d-yeqqim laẓ ad yesserwu i uglim tiɣrit.

Melmi ara d-nessenker wid neɣ tid ara yefdun tamurt s tmussni d uselhu n tudert ?

Melmi ara yaɣ aḥric win ixeddmen, ad yezwir zdat win yettsuɣun ?

I tura, d tidet ! Lawan ideg kra ur yetteddu, d acu tebɣiḍ ad yeddu ? Ayen yeḍran d tdamsa d yidles d wayen-nniḍen ad yeḍru d … waddal.

Wamma tura… Cwi kan llan widak-a n dihin !

Awi-d kan ad aɣ-sferḥen ass-nni ! Γas ad d-tini tgujilt wwin-tt-id ccabiba-nneɣ. Ass-nni ɣas ad ad yexleḍ lekdeb d tidet. Yak ula d Leqbayel d Izegzawen !

Neɣ d Iẓerwalen ?

N. B.