I tikelt tamezwarut , tella-d tajmilit i tmeṭut di Suq Lhed di tɣiwant n Timizart deg At Jennad s lmendad n yimdebren –ines. Ɣer tama n wahil i d-ittuhagen s demma, nemlal akked d usalway n tɣiwant-agi Mass Juwadi Lwennas , iɣ- id yemslayen ɣef uguren tettidir tiɣiwant-agi akked d tibuda (solutions) isen-t ilaqen, aten w acu id-aɣ d yenna.
Tagi d tikelt tamezwarut deg tesudsem tamaɣra da di tɣiwant n Timizart i lmend n tilawin, amek i d –aḥulfu inek ?
Ferḥeɣ aṭas imi i d-yeḍra unect-a. Nnig waya ferḥeɣ s wudem n wahil tewwi tamaɣra-agi yellan d tajmilt i tiyamatin, tismatin d tullas-nneɣ s- umata yuklalen ugar mebɣir cekk. D tikelt tamazwarut i d-yella leqdic yecban wagi dagi ɣer-nneɣ, aya yella-d s lfeḍl n tullas n tamnaḍt-nneɣ akked d imezdeɣ n tɣiwant yezdin iɣalen akken ad sduklen lferḥ tukalal tmeṭut di yal lawan di yal tagnit. Am akken twala-m ahil d win yezdin leqdic n telmeẓyin-nneɣ , yezdi meṛṛa udmawen n yidles akked d tanaẓurt imi llan-t timzikniyin akked d ccna sɣur inaẓuren n At Jennad. . . mebɣir cekk aya yettaked afud akken a nesnerni leqdic deg uḥric-agi icudden ɣer tilawin akken ad yefrir wazal-nsen-t di timeti.
Ɣurek acḥal aya degmi telliḍ d aselway n tɣiwant n Timizart,d acu n waktazal ara s-teggeḍ i leqdic-nwen seg yimir ɣer ass-a ?
Ɣuri tura ssin isagassen degmi i yelliɣ ɣef uqaru n tɣiwant-agi. Deg ayen nexdem, yella wanda newweḍ yella wanda yella lexṣaṣ. Llan kra n yeḥricen deg newweḍ ɣer wanda nasarem am uḥric iccuden ɣer leqraya,. Am akken ẓran imezdeɣ n Timizart ,nettheggid ssin iɣarbazen di taddart n Timizart akked deg uḥriq n uɛaṭar, am akken ara d tilli yiwet n tansawit akked u ɣarbaz alemas imaynuten di taddart n Ubizar. Deg ussan-a diɣ ad tebdun lecɣel n lebni n temseččiwin deg iɣarbazen n Ubizar amenzu d wis ssin. S wakka ad illin ɣer-nneɣ azal n 16 n yiɣarbazen ikasben timeseččiwin-nsen.
Xas bedreɣ-d anect-a , ur yixf-a ara yir liḥala tettidir tasnawit n watmaten At Bata, ikecemen deg uiguren leqayen imi aɣerbaz –agi iɛebba nnig ayen ialqen n yinelmaden.
Deg aḥricen nniḍen, am akken ẓran imezdeɣ n tɣiwant-nneɣ aten-i lecɣel n usekcem n lgaz teddun, u nedmaɛ ad iḥaz yakk tuddrin n tɣiwant deg ahli-nneɣ yeṭṭfen si 2010ɣer 2014.
Ayen diɣ s wacu nefreḥ d akken ahil n wafraq n waman yefra wugur-is, yal taddart teqqen ɣer userbi n uferdis agi yesɛan azal meqren di tudert n tyal yiwen.
Ma lexṣas , iḥuz s lketra Suq El Ḥed yellan dtamanɣt n tɣiwant, imi lecɣel n usegem ines akken ad tesɛu udem id as ialqen mazal bdin s sebba n lecɣel n uskcem n lagaz, wama tikabaniyin ara d yedhun s nect-a wejdent, u ttraǧǧunt kan melmi ara ifek leqdic n usekcem n lgaz akken ad grent s annar , as ggent udem n lɛali i tamdint-agi am akken it saramen imezdeɣ-is.
Dima deg ayen txuṣ taɣiant –nneɣ , ilad ad nedder leqela n timzukit taddadt( infrastructure) yeɛnan idles akked d ilmeẓyen.
Akken ad tillim i lmendad n leṣas-agi , anti tibuda( solutions) i tfernem ?
akken as nneg udem ilaqen i Suq N Lḥed ad greɣ tiɣri i tkabanit n Sonelgazd tenmehla n n lmnat d ṣehd, ad ɣiwlen ad fekken lecɣel akka bden da di tɣiwant akken ad ǧǧen abrid i tikabaniyin nniḍen ad bdunt ula d nunti lecɣel-nsen-t, imi ahil yella, u tikabaniyin aggi ttraǧǧunt kan ad sen-t id ṣaḥ nnuba.
Taɣiwant n Timizart d ttin yesudusen aṭas n leqdic iccuden ɣer yidles akked d wadal, mačča tawilat ilaqen i leqdic yecban wagi d tid ixuṣen s waṭas..amek ara tqazmem uggur agi?
Tidet taɣiwant n timizart tezga tessudus timesbaniyin iccuden ɣer wadal akked d yidles, deg akka mačči d izli n inaẓuren id yerzan ɣer-nneɣ am Ben Muḥamed, Lunis Ait Menguellet, Hajira Ubacir, tawacult n Matub Lunes, Mejahed Ḥamid, Akli Yahyaten, Ali Amran, d waṭas n trebuyaɛ umezguna kekd tid n wadal s lmend n tiduklinin Yusef U Qasi akked Crif Iḥudussen , am akken diɣ i nesudes timlilyin iccuden ɣer umezruy am tajmilin yuɣalen i yemjuhed-nneɣ am Ikulinil Iɛazuren, Qasi n Iḥadaden… maca d tidet tizeɣwa ilaqen i leqdic am wagi, ur ten neksib ara da di tɣiwant-nneɣ. Nasarem akka ɣzer zdat ad nelli tizeɣwa n yedles i yelmeẓyen di Mira akked Ubizar, akked d taxxamt n leqraya dima deg Ubiẓaram akken ara yilli ugni n waddal di Meḥbuba.Si tama nniḍen, ad yilli diɣ umaynut s tulya s leɛejlan n yiwen ugni n umazal ( manège) deg ugni n timlilin. Agni ara yesfreḥen arrac-nneɣ d teḥdayin-nneɣ.
Anti taɣawsa ik-yesferḥen aṭas tellid-as kečč di lmendad ?
Mačči d yiwet , zemreɣ ad bedreɣ kan akka s lemɣawla afud nefka i tidukliwin iqdecen deg aḥric n yidles, axxam n tiduklin nebna da di Suq Lḥed ara yesifsusen teɛkemt i waxxam n yelmeẓyen Yusef U Qasi, am akken ḍemeɛeɣ ad yekfu lebni n tawilat n umazel i d-udreɣ lina du leqrar.
Awal n Mass Juwadi i yimezdeɣ n tɣiwant n Timizart ?
Ad ṣbren kan cwiṭ, du leqrar lecɣel ad awḍen ɣer wanda sermen akken tudert ad tifsus ɣef yal yiwen. Sutreɣ deg-sen ad zdin , ad sudsen iman-nsen di tidukliwin akken ad yilli ger-nneɣ waskasi, ad yeglun s lfeyda i lebni n tɣiwant-nneɣ.
Ait Slimane Hamid