Lecɣal n usewjed n tesnawit t-2 deg tɣiwant n Tizi-Raced d wid yebdan mbeɛd 4 yiseggasen. Asenfar-agi i d-yeffɣen deg useggas n 2004, lecɣal lebni ur bdin ara imi bab n wakal iɣef ara tettusebded tesnawit yerra tamsalt ɣer ccreɛ. Lecɣal d wid iteddun s tɣawla deg tesnawit-agi i d-yewwin ad ldint tewwura-s ilindi. Tasnawit ad tili d tin ara yawin azal n 800 yinelmaden. Segmi bdan lecɣal, ussan-agi iɛeddan, yetturaju ad kfun gar-aneɣ d 24 wagguren.
Ad d-nerr lwelha belli, ugur-agi n umkan n lebni d win yellan deg yal taɣiwant n lwilaya n Tizi-Wezzu. Ayen yeǧǧan isenfaren ad ttɛeṭṭilen s waṭas yisegassen. Aɣbel-agi d win yessenṭaren ahil n unegmu, ladɣa ahil ameqqran i tt-yeččan deg taluft-a d win n lgaz.
Dalila I.