Da, ɣer-neɣ,; di Lezzayer, tamurt n yimselmen, ass n usgunfu d ass n lǧemεa, mi ttẓallan lǧamuεa. Ass-agi, d “ass iqedsen” i d-yenna uselway n tmurt. Ulac deg-s axeddim, ulac leqraya, ulac… Meεna, aselway-nneɣ,; ahat yettu belli ayen iqedsen ugar n waya d ttrebga, d leqraya.
Mi ara iɣer uqcic 8 tsaεtin des wass, tameddit ad yaweḍ s axxam yeffeɣ-d yiles-is, yeεwej uzagur-is, ffɣent-d wallen-is, yeεfej lmex-is,… Ass iqedsen, ur yezmir ad yili d ass lḥed neɣ d ssebt neɣ lǧemεa. Ass iqedsen, d ass yessemliliyen tasa d way turew, d win ara yessemlilen ababat d mmi-s, d yelli-s, d tmeṭṭut-is, d watmaten-is.
Ma yella yal yiwen s wass-is “iqedsen” s taggara-is n ddurt, anwa ara yemlilen wayeḍ ? Di lakul, tlata n tneggura n ddurt : lǧemεa d ssebt tameddit, lǧemεa d ssebt ssbeḥ,; lǧemεa d tlata tameddit. Di tamiwin-nniḍen am tdawsa (sante), taggara n ddurt d ssebt d lǧemεa tameddit. Idles (culture), kif kif. Tamiwin-nniḍen ttɣimin lǧemεa d ssebt, sin wussan.
Tawacult, ma tesεa aεeggal di yal tama, melmi ara mlilen, ad ruḥen ɣer Criεa neɣ ɣer Tgejda ad merḥen ? Ass iqedsen, d ass ideg ara mlilen iεeggalen n twacult. D ass ideg ara yizmir yiwen ad yerzef ɣer umdakel-is di taggara n ddurt, ma tella ! Qqaren : “yebḍa-ten, yečča-ten”.
A. Arab