Nesla si srabes n tezmert n lwilaya n Tubiret belli rebɛa yemdannen iḥuza-ten virus H1N1 aṭtan-nni i wumi neqqar talwa uḥelluf. Lexbar-agi iwekked-t-id l’institut Pasteur n Lezzayer. Lḥasun, Sin deg-sent d arrac yiwen tmanya n yiseggasen di leɛmer-is, wayeḍ tnac. Sin nniḍen d ilmeẓyen : yiwen si Beclul, tlata u wacrin n yiseggasen di leɛmer-is, wayeḍ,; si temdint n Tubiret, tlata u ɛecrin n yiseggasen di leɛmer-is.
Ɣef akken i aɣ-d-saɛlemen srabes-agi n tezmert, liḥala n yimuḍan-a ur tenṭir ara, imi tlata seg-sen fɣen si sbitar Mohamed Boudiaf n Tubiret. Wis rebɛa mazal-it-in ttɛasan-t imejjayen.
Fatima Bouras