Mazal aselmed n tmaziγt ara yettnaγ d wuguren i d-yerreffγen yal tikkelt. Ay-a, d ddewla ur nebγi ara ad tegmu tmaziγt am tutlayin-nniḍen. Annect-a nettwali-t,deg umedya, di tullya n yimukan n uxeddim deg yiγerbazen. Di twilayt n tubiret drus n yimukan ay d-tellin yal aseggas. Aseggas-a, llin azal n 6 yumikan, maca, wigi εnan kan tusnawiyin. Deg yuγerbazen ilemmasen d yimeẓyanen, ulac. Iselmaden ixeddmen s ukerdas n licence, ma wwin-d akayad-nsen at-a-n ad ruḥen γer tusnawit ; ad ǧǧen imukan-nsen deg yuγerbazen ilemmasen. Ayen yeεnan tassweḍt n tutlayt tamaziγt, amkan n umaswaḍ yeqqim d ilem. Ay d-yeffeγ lexbar si tama isḥan. « Anwa ara yuγalen deg wadeg-is ? « I d-yenna yiwen uselmad n tmaziγt. I kemmel yenna » ugadeγ tanmehla n usegmi n Tubiret ad d-tesbedd win ur nlaq ara !. . «
A. A