I tikelt tamezwarut ara d-nefk isali-ya.Ilmend n Yennayer yellan daγen d asmekti n ukeččun n Cacneq γer tmurt n yiferεuniyen.Ar wass-a mazal imezdaγ n temnaḍt n Siwa,ṭṭfen deg leεwayed-nsen.Imezdaγ n temnaḍt-a yeṭṭafaren leḥkem n Maser,fursen tagnit akken ad binen seg tatut mbeεd ddiεayat i d-ssufγen ttawilat n yisallen imasriyen mgal izzayriyen d yimaziγen s umata deg ussan n uheyyi i lmundyal 2010.Γef wakken i d-yessufeγ lexbar uγmis alibi:ossanlibya.com, »Amani Alwachahi,tin yettmeslayen s yisem n yimaziγen n Maser,tewwet-d deg ttawilat-a n yisallen i yessemsaxen deg yimaziγen,tessebgen-d asaned-is i yimaziγen akk n umaḍal ».Lexbar-a d win i yeskaddeb uγmis n Maser,Youm7,netta yura-d kan belli massa Amani,teslul-d yiwet n tdukla timettit,iswi-s d asnerni n tmeddurt n yimezdaγ n Siwa d usuter s uzref n uslmed n tutlayt tamaziγt i yimezdaγ.
Mokrane Chikhi