Leɣella n uzemmur, am akken i d-iban i lɛamma ur twenneɛ ara aseggas-agi, ala 200 000 iqenṭaren i d-ittujemɛen ɛla ḥsab n tnemhalt n tefelaḥt n lwilaya n Tizi Wezzu. Ad d-ner lwelha belli leɣella-agi d tin ineɣsen s wazal n 500 000 iqenṭaren ɣef useggas yezrin anida yella-d ɛeddan 700 000 iqenṭaren deg tamiwin yemxalafen n lewilaya. Anɣas-agi n leɣella d tin ur nessewhem ara imḍenbren n weḥric n tefelaḥt, imi azemmur yettak-d leɣella meqren yal sin isegassen. Si tama nniḍen, aseggas yezrin leɣella n uzemur yeṭuqten, teǧǧa ifelaḥen ad kemelen alqaḍ n uɛeqqa almi d talit n uǧuǧeg-ines, aya d ayen i t-yeǧǧan ur iǧuǧug ara amek ilaq. Rnu, talit n uǧuǧeg yella-d deg-s aṭas n ugefur d waḍu u ayagi d ayen isenṭṭeren tizemrin. Ad d-nesmekti belli tizemrin d tid i yettenɣasen yal aseggas s sebba n tmes.
D taggara, ad d-nesmekti daɣen belli Lewilaya n Tizi Wezzu tesɛa azal n 27 658 n tzemrin ɣef wazal n 32 971 n ihegṭaren. Am aken tesɛa 416 n teseyar n uzemur garasent 93 d tatrarin d 323 d tiqburin. Tineggura-agi aṭas deg-sent ur llint ara tiwwura-nsent aseggas agi.
Dalila I