Kra n wussan kan iεeddan,deg wass n tεacurt-nni yezrin, kra n At ičumar imṭurfa kksen zzerb n lḥerma γef imasiḥiyen n temnaḍt n Tizi-Wezzu, At ičumar begsen-d γer umennuγ,; usan-d s waṭas, am wejrad idγewsen ḥeṛmen fell-asen akeccum ar tẓalit-nsen n yal ddurt deg wass n sebt.
Yenna Mass Krirec imḍebber n ligliz tafat, mi d-usan tikkelt-nni tamezwarut, neεreḍ ad nemsefham nekkni yid-sen, maca nutni εuẓgen akk γef wayen i d-neqqar,ggulen ur ḥniten d awal-nsen ar yeεeddin,yelha neγ dirit, εemmden ad tili ttberna wala ad yili lğameε Imasiḥiyen, imir neccetka ar temsulta nγil d taγlist ad tesseḥbiber cwiṭ fell-aγ,;ziγen εegzen-as neγ ur d-cliggen ara deg-nneγ,; acku deg wass-nni taluft teqqim kan akken tesbek, ljerḥ yettenfufud. Ass n ssebt 09 deg yennayer imṭurfa-nni n ddin i d-yusan i tikkelt tis-snat serγen akk ayen yellan deg-s, rẓan tiseγlit n lḥerma n yimasiḥiyen, syen imḍebbren n ligliz tafat uγalen ar imsulta anda cetkan, usan-d ẓran tawaγit yeḍran, uran-tt d cikkaya. Ayen i serγen lğameε-a ideg ttẓalan imasiḥiyen? ayen i yugin taγarma? Ayen ucuḍ d tufγa n webrid? Ayen i ulac deg ul-nsen tayri d laman? ayen..ayen?
fiḥel asteqsi, wigi d iεdawen n tuddert, maca γur-wat !!
Islam Bessaci