Lexbar-a d win i d-iwekked uselway n l’A.A.I.F(Timidwa n yemyuraren igreγlanen n ddabex-uḍar) mass Ali Fergani deg temlilit i t-id-ijemεen akked tγamsa deg usensu n Sofetel(Lezzayer) ass n 02 di furar yezrin.Timlilit-a tella-d s leḥḍur n mass Henry Emile yellan d yiwen seg yemḍebren n terbaεt n Fransa i yewwin taqbuct n umaḍal deg 1998,aneggaru-ya yenna-d dakken »13 n yemyuraren n 1998 i iwejden akken ad d-asen,gar-asen Zizou ».Aya akk ad yili ilmend n uturnwa n tmidwa(amitié) ideg ara ttekkint tlata n trebbaε tizzayriyin tiqdimin:snat seg-sent d tid yuraren di lmundyal n 1982 d 1986 ma d tayeḍ d tin yuraren di teqbuct n tefriqt n 1990.Aturnwa-ya,ad yili deg ass umenzu n meγres 2010 di Lezzayer-Tamaneγt,acu kan εlaḥsab n l’A.A.I.F, timliliyin ad ilint di kra n tzeqqa n waddal ideg ur zemren ara ad ḥeḍren waṭas n yemferǧen maca takebbanit n tilibizyu n Lezzayer tewεed-iten akken ad tesεeddi srid timliliyin-a i wid yellan deg yexxamen-nsen.Nnig n waya,takebbanit n tilifun n lmubil Nedjma,ad tessewjed yiwet n temzizelt ideg ara izmiren ad ttekkin yimectariyen-is,wid irebḥen deg-s ad sεun azref akken ad ferǧen deg umkan.Aya d ayen i s-d-xebren yemḍebren n tkebbanit-a yellan ger les sponsors n uṭurnwa-ya.
Mokrane Chikhi